Ресей Ғылым Академиясының Федералды ғылыми-зерттеу социологиялық орталығының демографиялық зерттеулер институтымен ғылыми ынтымақтастық.

Ғылым және инновациялар жөніндегі проректор Бибол Ермұратұлы Жақыпбаевтың бастамасымен SILKWAY Халықаралық университетінің ғалымдары мен мамандары арасында Ресей Ғылым Академиясының федералдық ғылыми-зерттеу социологиялық орталығының демографиялық зерттеулер институтымен онлайн жұмыс кездесуі өтті. Кездесу барысында тараптар бірлескен ғылыми жобалар мен іс-шаралар шеңберіндегі өзара тиімді ынтымақтастық мәселелерін талқылады.
Ресей тарапынан кездесуді Рязанцев Сергей Васильевич - ресейлік экономист, экономика ғылымдарының докторы, профессор, РҒА корреспондент-мүшесі (2011), демография және Халықтың көші-қоны саласындағы жетекші ресейлік маман, Ресей Ғылым академиясының федералдық ғылыми-зерттеу социологиялық орталығының демографиялық зерттеулер институтының директоры басқарды.
Сонымен қатар, Зафар Кабутович Вазиров - ФҒЗСО ДЗИ РҒА директорының көмекшісі, Жас ғалымдар кеңесінің төрағасы, көші-қон және көші-қон саясаты бөлімінің зерттеушісі қатысты.
Лукьянец Артем Сергеевич - экономика ғылымдарының кандидаты, Ресей Ғылым академиясының Федералды ғылыми-зерттеу социологиялық орталығы демографиялық зерттеулер институты директорының орынбасары қатысты.
Біздің тараптан мамандандырылған кафедра меңгерушілері мен оқытушылар құрамы болды.